प्रकाश पाख्रिन
मार्च २०
प्रथम काठमाडौँ उपत्यकाब्यापी पास्टर, एल्डर एवं डिकन फ्रेन्ड्ली फुटबल टुर्नामेन्टको अन्तिम चरणको खेल हिजो आइतबार मार्च १९ तारिखका दिन ख्रिष्टियन स्पोर्ट्स कम्प्लेक्स सातदोबाटोमा सम्पन्न भएको छ । “स्वास्थ्य र अत्मियाताको लागि खेलकुद” भन्ने नाराका साथ आयोजना गरिएको प्रथम काठमाडौँ उपत्यकाब्यापी पास्टर, एल्डर एवं डिकन फ्रेन्ड्ली फुटबल टुर्नामेन्टको उपाधि बप्तिस्ट मण्डली समुदायका समुहले चुम्न सफल हुनु भएको छ । उक्त टुर्नामेन्ट मार्च १२ तारिखका दिन सुरु भएको थियो ।
फाइनल खेलमा एकथलो टिम र बप्तिस्ट टिम बीच खेल भएको थियो । उक्त फाइनल खेलमा बप्तिस्ट टिमले एकथलो टिमलाई सुन्यका बिरुद्ध ६ गोल गर्न सफल हुनु भएको थियो । पास्टर साइमन तामाङ को नेत्रीत्वमा एकथलो टिम रहेको थियो भने डिकन सबी राज लावती बप्तिस्ट टिमबाट रहनु भएको थियो । बाप्तिस्ट समुदायका तर्फबाट डिकन सुबास राई ३, डिकन डेबिड सुनुवार २ र डिकन सबिराज लावतीले १ गोल गर्नु भएको थियो ।
उक्त प्रतियोगितामा जम्मा ११ टिमहरुको सहभागिता रहेको थियो जसमा १५५ जना उपत्यका भित्रका विभिन्न सम्प्रदय मण्डलीका पास्टर एल्डर डिकनहरु रहनु भएको थियो । सम्भवत यसरी एकै पटक खेल मैदानमा यतिका धेरै पास्टर, एल्डर र डीकनहरुको सहभागितामा भएको खेल पहिलो पटक नै हुनु पर्छ ।
यो टुर्नामेन्ट ख्रिष्टियन स्पोर्ट्स फेलोसिप नेपाल र एम्बस्डर फुटबल नेपालको संयुक्त आयोजनामा भएको थियो । बिजेता टिमहरुलाई रेभ. तुलासिं राई, पास्टर अब्दियल मुखिया, पास्टर रत्न काजि महर्जन, पास्टर अमर थापा र पास्टर राजेन्द्र मल्ल बाट प्रमाणपत्र र पदक हस्तान्तरण गरिएको थियो । यसरि आगामी बर्षहरुमा पनि यस प्रकारका खेल हुनु पर्ने प्रतियोगितामा सहभागीहरुको रहेको छ ।
